Suni si Rah

Suni si raho par akela chala tha main,

Soch kar chala tha log milenge,

Socha kai dost banenge,

Akela chalta chala, log milte chale,

Dost banane banaane ka silsila chala,

Aisa lagne laga in raaho pe hain kai saathi mere,

Dur kahin se roshini aane lagi nazar,

Logo ne kaha, hai woh manzil humari,

Roshini dekh humari aashayain jaagi,

Socha dosto ka saath hoga, manzile hongi,

Kushahaal se zindagi hogi,

Par yeah kya kahan gaye woh log,

Woh dost jo sath the mere,

Na hi dikh rahi hai woh roshini,

Chikha chilaaya, to kahin se awaz aayi,

Arre murkh, Manzil jo thi, woh thi humari,

Badhta chal, kahin na kahin milegi,

Tujhe manzil tumhari,

Suni si raho par, fir chal raha hun main,

Fir akela chal raha hun main.