Aaj yeah mann kuch udas hai lagta,
Kho gaya hai sab kuch aisa hai lagta,
Baitha hun samndar ke kinare,
Jisko langhna kuch asambhaw sa hai lagta,
Aaas paas dekhta hun to lagta hai jaise,
Log bhaag rahe hai shunya ke piche,
Bator rahe hai laakho sapne aise,
Bikhar jaaye jo mutthi me ho rait jaise,
Par dur kahin dikh raha hai ek prakash kunj,
Jo koshish kar raha hai kehne ko kuch,
Par in shor gul me kho na jaaun kahin,
Darta hun khus se durr ho na jaaun kahin,
Par yeah ka apni ore kich rahi hai yeah lehre,
Ukasa rahi hai karne ko aisa,
Hai samandar ko laanghane jaisa,
Haatho me kuch moti aa gaye hain,
Aur badha rahi hai hausala yeah mera,
Bas kar rahi hai intajar dusara kinara tumhara,
Aur saamne nazar aa rahi hai khushiya tumhari,
Jaldi kar murkh ho jaye na deri.
No comments:
Post a Comment